Ukraina mustaqil media zenaat birligi Dnepropetrovsk vilâyet memuriуеtiniñ reisi İgor Kolomoyskiy Radio Svoboda jurnalisti Sergey Andruşkodan mart 20 künü yüz bergen ziddiyet içün afu soramalı degen fikirdedir.
Bu aqta zenaat birliginiñ beyanatında aytıla.
«Devlet memurlarınıñ yararlıqları yalıñız jurnalistlerni degil, adiy vatandaşlarnıñ namus ve qadrini aqaretlemege aq bermey. Incıtmaq ıntıluvları küçüni degil, zayıflığını köstere. Bundan da ğayrı, İgor Kolomoyskiy büyük media resursınıñ saibi ola, böylece, o, öz fikrini qolay şekilde vatandaşlarğa yetkize bile», – deyler birlikte.
Mında şunı da qayd eteler ki, Kolomoyskiy «Devlet hızmeti aqqında» Ukraina Qanunınıñ 5-nci maddesini boza. Oña köre, «devlet hızmetçisi vatandaş, yolbaşçı ve hadimlerge ürmet ile yanaşmaq kerek».
Dnepropetrovsk vilâyet memuriуеtiniñ reisi İgor Kolomoyskiy mart 20 künü Radіo Svoboda jurnalisti Sergey Andruşko ile qaba sürette laf etti. Ziddiyet yarı gece «Ukrtransnafta» ofisi yanında yüz berdi
«Ukrtransnafta» ofisinde altı saat bulunıp, tışarı çıqqan Kolomoyskiy jurnalistniñ «memur gece devlet şirketi ofisinde ne yapa» degen sualini eşitip, oña küfür sözlerni aytıp, ne içün o, şirketke diversantlarnıñ kirmesi ile meraqlanmağanını soradı.
