Link açıqlığı

Çehiya Tışqı işler nazirligi Qırımda artqan ayırım bildirüvleri aqta qasevet keçe.

Bu aqta Kiyevdeki Çeh cumhuriyet Elçihanesiniñ saytında aytıla.

Mında şunı deyler ki, Çehiya, yıl evelsi olğanı kibi, «referendum»nıñ neticelerini tanımay.

Beyanatta 2014 senei mart 16 künü keçirilgen Qırım «referendumı» halqara ve ukrain qanuniyetine ters kelgeni aqqında yazıla.

«Qırımnıñ Rusiye Federatsiyasınıñ orduları tarafından etilge zaptı ve onıñ işğalini Çeh Cumhuriyetiniñ Tış işler nazirligi halqara qaideleriniñ qaba bozuluvı ve Avropa stabilligi ve havfsızlığına telüke olaraq tanıy», – denile beyanatta.

Çehiya Qırımnı alâ daa Ukraina qısmı olaraq tanıy. BMT havsızlıq şurası mart 19 künü Rusiye tarafından işğal etilgen Qırım vaziyetini muzakere etti. Toplaşuvğa qırımtatar halqınıñ milliy yetekçisi Mustafa Cemilev davet etilgen edi. O şunı qayd etti ki, Qırımnıñ işğalinden soñ yarımada sakinleri siyasiy, içtimaiy, iqtisadiy aqlarınıñ bozuluvına rastkelgenler.

Dünyada Qırım işğali yıllığında Rusiye tarafından Ukrainanıñ işbu toprağınıñ işğali tanılmağanı bildirile.

XS
SM
MD
LG