Link açıqlığı

Saatnıñ esas haberi

Qırım «Devlet şurası» Aksönov ve Konstantinovnı itibarlı vatandaş unvanına lâyıq kördi


Qırım Devlet Şurası mart 20 künü «Qırım Cumhuriyetiniñ itibarlı vatandaşı» unvanına Qırımnıñ Rusiye ükümetiniñ başı Sergey Aksönov ve Qırm spikeri Vladimir Konstaninovnı lâyıq kördi, haber ete Qırım.Aqiqat mühbiri.

Böyle teşebbüs ile Devlet şurasına Qırım cemiyet palatası muracaatta bulundı. Aksönov ve Konstаntinov «itibarlı» unvanını Qırım statusı aqqında «referendum»nı teşkil etkenleri içün elde ettiler.

«Qırımnıñ Rusiye terkibine kirmesi dünya miqyaslı bir vaqia oldı. Añlaymız ki, şu yerde yetekçilerimizniñ rolü ğayet büyük. Sergey Valeryeviç ve Vladimir Andreyeviç... Bugün «Aksönov» ya «Konstantinov» atyılğanda, Qırımnı nazarda tutalar, «Qırım» degende, onı Aksönov ve Konstantinov ile bağlaylar», – dedi toplaşuvda Qırım Devlet Şurasınıñ qanuniyet, devlet qurucılıq ve yerli idare komitetiniñ reisi Yefim Fiks.

Qırım «parlamentiniñ» deputatları bu teklifni el çırpmalar ile alğışladılar.

2014 senesi mart 18 künü Moskvada «Qırım ve Aqyarnıñ Rusiyege qoşuluvı aqqında» añlaşma qabul etildi. Qırmda mart 18 – raatlıq künü olaraq qayd etile.

Dünyada Qırım işğali yıllığında Ukrainanıñ işbu toprağınıñ işğali tanılmağanını bildireler. AQŞda işğal etilgen Qırımda insan aqları ile bağlı vaziyetniñ zor olmasına ayrı diqqat ettiler.

XS
SM
MD
LG