İnformatsion siyaset nazirligi ATR telekanalınıñ ukrain telekanallarından yayınlavına fırsat yaratacaq. Bunı Qırım.Aqiqat saytına nazirlikniñ başı Yuriy Stets bildirdi.
«Telekanalnıñ, eñ azından, mında, qıtaiy Ukrainadan yayınlavına imkân yaratmaq kerekmiz», – dedi nazir.
O, ATR qırımtatar telekanalı etrafında olğan adiselerni «Rusiye istilâsınıñ bir qısmı ve Ukraina içün Gaaga mahkemesinde delil» olaraq adladı.
«İnsan aqlarınıñ bozuluvı ve söz serbestligine olğan basqıdır», – dedi Stets.
Qırım ükümetiniñ yolbaşçısı Sergey Aksenov ATR yekâne qırımtatar telekanalınıñ işini tenqid etip, bunıñ kibi siyaseti olğan kütleviy haber vastaları yarımadada çalışamazlar, dep qayd etti.
ATR telekanalınıñ reberligi 2015 senesi aprel 1-den soñ işine devam etip olamaycaqlarını tahmin ete. Bu mesele mart 16-da Jenevada Birleşken Milletler Teşkilâtınıñ İnsan aqları komitetinde muzakere etilgen edi.
Telekanalnıñ işi toqtatıla bile dep, seyirciler ve faal cemaat Rusiye prezidenti Vladimir Putinge yarımadada milliy kütleviy haber vastalarını saqlap qalmaq açıq muracaatını yolladılar.
