Link açıqlığı

Saatnıñ esas haberi

Kefe akimiyeti tüsleri qarıştırılğan Rusiye bayrağı ile bilbordlar aqqında haberdar olmağanını bildire


Kefe akimiyeti tüsleri qarıştırılğan Rusiye bayrağı ile bilbordlar aqqında haberdar olmağanını bildire. Şamata qoptırğan plakatlarnı çıqarımağa vade etip, buña bücet parası ketmegenini bildireler.

Mart 19 künü Kefe memuriyetiniñ başı Dmitriy Şçepetkov aytqanı kibi, plakatlarnı bir göñülli öz esabına azırladı, bücetten para ayırılmağan eken, – haber ete CIT.UA.

Göñülli Maksim «Qırım haritasında Rusiye ya Qırımnıñ bayrağı degil de, memleketniñ milliy bayraq tüslerini köstergenini» bildire.

Onıñ sözlerine köre, bunı şeer memuriyeti ile uyğunlaştırmağa yetiştirmedi. Umumen sekiz plakat azırlanılğan edi.

Malüm ki, Kefe şeer soqaqlarında tüsleri qarıştırılğan Rusiye bayrağı ile bilbordlar peyda olğan edi.

XS
SM
MD
LG