Link açıqlığı

Matbuat vastaları: «özek» Qırım – dünya telükesi olur, sakinleri – qarşılıq darbelerniñ mabüsi


Bir yıl devamında işğalni yaşağan Qırım Rusiye Federatsiyasınıñ küçlü arbiy bazası oldı. Rusiyeniñ yarımadada özek silânı yerleştirmek kibi qararı Qırım sakinleri içün büyük telüke oldı. Bunı «Ukraina buhraniy media-merkezi» bildire. Mahsus azırlanılğan cedvelde «özek» Qırım – dünya telükesi, sakinleri – qarşılıq darbelerniñ mabüsi olacağı aqqında yazıla.

Neşir Rusiye Tışqı işler nazirliginiñ başı Sergey Lavrovnıñ sözlerini añıp keçe. 2014 senesi dekabr 15-de Lavrov: «Qırım özek silânıñ tarqatılmaması aqqında qanunğa binayen bu silâ saibi olğan devletniñ qısmı oldı. Qırımda «özeksiz» zona iç bir vaqıt qullanılmaz edi», dep aytqan edi.

Cedvel Qırımda özek silâlanuvnıñ olmasını köstere. Şu cümleden, strategik aviatsiya polkları, Sarabuzda olğan OTRK «İskander», Rusiye Qara deñiz flotunıñ Aqyarda turğan «Moskva» raketa kreyseri.

Evel Ukrana Yuqarı Şurasınıñ deputatı ve qırımtatar halqınıñ yetekçisi Mustafa Cemilev işğalci akimiyet Qırımğa raketalarnı ketirgeni aqta bildirgen edi.

XS
SM
MD
LG