2015 senesi Qırımnıñ Rusiyeniñ daa on beş şeeri ile qoşma ava alâqası pekitilecek. Bunı cumaaqşamı künü, mart 19-da, Qırımnıñ kurort ve turizm naziri Yelena Yürçenko bildirdi, – haber ete RİA Novosti.
«Daa 15 yañı sefer açıla. Ava alâqası bizni Rusiyeniñ 45 regionı ile bağlar», – dedi Yürçenko.
Nazir şunı da qoştı ki, yañı yönelişler arasında Vladivostok, Habarovsk, Krasnoyarsk, İrkutsk şeerleri bar.
Onıñ sözelrine köre, «Aeroflot» şirketi bu sene Qırım seferleriniñ sayısını aftada 190-ğa arttırır. Bunıñ ile Aqmescitten Rusiyeniñ doquz şeeri – Volgograd, Krasnodar, Pskov, Saratov, Groznıyge seferler yapılacaq.
2014 senesi mart ayınla, Rusiye Qırımnı işğal ekeninden soñ, Aeronavigatsiya havfsızlığı boyunca Avropa teşkilâtı (Avropa nezareti) Qırımğa, şu cümleden Aqmescit ve Aqyarğa, ava seferlerini yasaq etti. Avropa nezareti halqara grajdanlıq aviatsiyası aqqında ICAO Konventsiyasına esaslanıp, Ukrainanıñ er angi ava boşluğı üzerinde bir de bir aeronavigatsion hızmetiniñ Ukraina akimiyetine alâqası olmağan bir taraflı beyannamelerni tanımaycaq.
Qırımğa ava seferlerini şimdi yalıñız Rusiye şirketleri keçire, bazıları endi ğarbiy cezalarğa oğradı.
