Qırımda Medeniy mirasnı qoruv devlet komitetiniñ «Qırım» Fondu» Hayriye teşkilâtına açtırğan davası boyunca mahkeme toplaşuvı keçirilecek tarihnı deñiştirdiler. QHA Qırım haberler agentligi bildirgeni kibi, mahkeme toplaşuvı mart 19 künü Aqmescitte Qırım Arbitraj mahkemesinde keçti.
Adliyeci Cemil Temişev aytqanı kibi, mahkeme toplaşuvı aprеl 23 künü keçirilecektir.
«İş boyunca mahkeme toplaşuvınıñ başqa künge keçirilmesi aqta muracaatımıznı berdik. Çünki bizge davanıñ tarifi keldi, ilâveler ise yoq, şunıñ içün itiraznı azırlamaq kerekmiz», – dedi Temişev.
Adliyeciniñ fikrine köre, dava «siyasiy sımarıştır» ve Medeniy mirasnı qoruv devlet komitetiniñ hayriye teşkilâtlarına olğan yekâne davasıdır.
2014 senesi noyabr ayında Qırımnıñ medeniy mirasnı qoruv komiteti memuriy protokolnıtizgen edi. Oña binaen, «Qırım» Fondu» HT baş müdiri Riza Şevkiyev Rusiye Federatsiyasınıñ Memuriy bozuvlar kodeksiniñ 7.13 maddesiniñ 1-inci qısmı («Rusiye Federatsiyası halqlarınıñ memuriy mirası (tarih ve medeniyet yadikârlıqları) saqlap qaluv, qullanuv ve devlet qoruması talapları») belgilegen memuriy bozuvnı yaptı.
Aqmescitniñ Kiyev rayon mahkemesi Şevkiyevni 350 biñ rublege cezaladı. Aynı qarar «Qırım» Fondu» HT qarşı çıqarıldı, para cezasınıñ miqdarı 4,5 mln rubleni teşkil ete. Para cezası qarar işke tüşürilgen soñ altmış kün içinde ödenmek kerek.
