Link açıqlığı

KrımSOS göñülli cemaat teşkilâtı mart 20 künü Lvivde mecburen köçip kelgenlerge yerli eali ve matbuatnıñ munasebeti aqqında esabatnı taqdim etecek.

Matbuat konferentsiyasında 3 ay devamında keçirilgen sorav neticeleri, tevsiyeler, teñeştirüvler seslendirilecek.

«Üç ay devamında mütehassıslar KrımSOS içtimaiy hadimleri ile yerli ealiniñ mecburen köçip kelgenlerge olğan munasebetini ögrendiler. Matbuat vasatalarınıñ talili da keçirdi, çünki olarnıñ mecburen köçip kelgenlerniñ meselelerine ealiniñ fikrine olğan tesiri büyüktir», – deyler teşkilâtta.

Araştırma cemaat faaleri ve KrımSOS göñülleri tarafından Kanada yerli teşebbüs destegi fondunıñ yardımı ile keçirildi. 2015 senesi yanvar-mart ayları Ukrainanıñ 5 şeerinden (Kiyev, Herson, Harkov, Lviv, Vinnitsa) 900 insan soravdan keçti.

Matbuat konferentsiyası saat 12:00 T.Şevçenko, 11 adresi boyunca yerleşken Lviv matbuat klubında keçecek.

BMT soñki malümatına köre, Ukrainada köçip kelgenlerniñ sayısı 3 million insandan ziyadedir.

XS
SM
MD
LG