Ukraina Yuqarı Radasınıñ reisi Vladimir Groysman mart 19-da Birleşken Milletler Teşkilâtı ve Avropa birligine Donbassta barıştırıcı missiyanı kirsetmek muracaatı aqqında qararnı imzaladı, dep haber ete parlamentniñ matbuat hızmeti.
Mart 17-de halq deputatları prezidentniñ BMT Havfsızlıq şurası ve Avropa Birliginiñ Şurasına memlekette barışıq ve telükesizlikni saqlap qalmaq içün halqara tedbirlerniñ başlanması aqqında qarar leyhasına qoltuttılar.
Ukraina prezidenti Petro Poroşenko Milliy havfsızlıq ve mudafaa şurasınıñ (RNBO) bunıñnen bağlı qararını işke tüşürecek buyruqnı imzaladı.
RNBO qararına binaen, Ukrainada barıştırıcı missiyanıñ açılması aqqında muracaat Ukraina milliy telükesizligini temin etmek, Donetsk ve Lugansk vilâyetleriniñ bazı rayonlarındaki zıddiyetni al etmek, Minsk añlaşmalarını yerine ketirmek maqsadı ile qabul etildi.
