New Yorkta Amerika Qoşma Ştatlarınıñ ukrain, turk ve qırımtatar diasporaları Ukraina prezidentiniñ qırımtatar işlerinden vekâletlisi Mustafa Cemilevni Ukraina ve qırımtatar bayraqları ile qarşıladılar.
Vekâletliniñ matbuat hızmeti bildire ki, mart 19-da Cemilev Rusiye işğal etken Qırım meselesi muzakere etilecek Birleşken Milletler Teşkilâtınıñ Havfsızlıq şurasınıñ toplaşuvında iştirak etecek.
Malüm ki, BMT teşkilâtı Litvaniyanıñ teşebbüsi ile ötkerilecek ve qapalı şekilde keçirilecek.
Arri formatında keçirilecek toplaşuv qapalı olacaq ve er kes fikirini serbest şekilde bildirecek. Havfsızlıq şurasınıñ resmiy olmağan ve iş planına kirmegen Arri formulası boyunca körüşüvlerge ekspertler ve şaatlar davet etile bile.
Aynı vaqıtta bu format Havfsızlıq şurasınıñ azalarını bunıñ kibi körüşüvlerde iştirak etmege mecbur etmey. Ğarp diplomatlarından biri bildirdi ki, Rusiye bu toplaşuvda iştirak etmekten vazgeçe.
