Rusiye prezidentiniñ matbuat kâtibi Dmitriy Peskov Rusiye jurnalistlerine qırımtatar probleması olmağanını, yalıñız yarımadanıñ er bir sakini rastkelgen qıyınlıqlar bar olğanını ayttı.
Onıñ aytqanına köre, bu mesele çarşenbe künü Vladimir Putinniñ toplaşuvında muzakere etilgen edi.
«Qırımtatarlarnıñ probleması yoq. Mında ziyade arttırmamaq kerek, men Qırım sakinleriniñ tatarlar, tatar olmağanlarğa bölünmegenini aytmaq ister edim. Olarnıñ aynı aqları bar», – dep tekrarlay Peskovnıñ aytqanlarını Rusiye kütleviy haber vastaları.
Mart 17-de Ukraina Yuqarı Radası BMT, Avropa parlamenti, Avropa Şurası ve OSCE parlament assambleyalarına muracaatta bulunıp, Qırımnıñ işğalci Rusiye akimiyetiniñ ukrain, qırımtatarlar ve diger millet vekilleriniñ aq-uquqlarını bozğanını takbih etmege çağırdı.
