Qıtaiy Ukraina ile sıñırda, Canköy kiriş noqtasında, ant sözlerinden vazgeçken ve Rusiye Silâlı quvetleri ile añlaşma tizgen birinci Qırım arbiyi yaqalandı, dep haber ete TSN.
Nikolayev vilâyetinde doğğan asker eki yıldan beş yılğa qadar apske alına bile. Ukraina arbiy prokuraturasınıñ taqiqatçısı bildire ki, bu asker Ukrainada birinci olıp yaqalandı.
Neşirniñ malümatına köre, bir yıl evelsi Vladimirniñ bölüginde çoqusı Rusiye tarafına keçti. Apske alınğannıñ anası 22 yaşında oğluna tüşünmege rica etkenini bildire.
«Men aytqan edim, er şeyni taşlap, evge qayt. O, razı olmadı, balalarını qaldırmaycağını ayttı. Kimse doğru yolnı köstermedi, şimdi ise peşman ete, lâkin keç oldı. Qanun qanundır», – dedi o.
Malüm ki, arbiy prokuratura keçken sene Rusiye işğal etken Qırımda qalğan aman-aman 5 biñ arbiyni devlet hainliginde qabaatlay.
