Poloniya prezidenti Bronislav Komorovskiy Moskvağa Avropada Ekinci cian cenki bitmesiniñ 70 yıllığına bağışlanğan Ğalebe paradına barmaycaq. Bunı çarşenbe künü, mart 18-de, Radio Svoboda bildire.
«Arbiy paradda istilâcı ve Ukraina şarqında adamlarğa qarşı silâ qullanğan şahıs ile beraber bulunmaq menim içün farqlı manalarnı taşıy», – dep ayttı o.
Komorovskiy bildirdi ki, Ukrainada zorbalıq devam ete, bu vaziyette Poloniya prezidentiniñ bunıñ kibi tedbirlerde iştirak etmesi imkânsız.
Rusiye tış işler naziri Sergey Lavrovnıñ aytqanına köre, Ekinci cian cenkinde Ğalebeniñ 70 yıllığına davetnameler 68 memleketniñ liderine yollanıldı. 32 lider davetni qabul etti, olarnıñ çoqusı Asiya memleketleri ve sabıq sovetler birliginiñ memleketlerindendir. Davetni Şimaliy Koreya reberi Kim Con In da qabul etti. O, memleket reberi olaraq ilk sefer çetel ziyaretke baracaqtır.
