Link açıqlığı

Aqyarda çarşenbe künü, mart 18-de, Nahimov meydanında Rusiye Qara deñiz flotunıñ askerleri, kazak, samooborona ve şeerniñ bazı cemaat teşkilâtları vekilleriniñ Qırım ve Aqyarnıñ Rusiye ile «birleşüvine» bağışlanğan yürüş paradı olıp keçti.

Qırım.Aqiqat mühbiri bildire ki, parad iştirakçileri Lenin soqagından keçip, Nahimov caddesine buruldılar. Kolonna elâk olğan askerlerniñ eykeli yanında toqtalıp, Aqyar gimnini ve «Ğalebe künü» yırını icra ettiler.

Tedbirni seyir etken adamlardan «Yaşasın Rusiye», «Aqyar, Qırım, Rusiye» kibi şiarlar eşitildi.

Tünevin Aqyarda Ulu Vatan Cenkinde ğalebeniñ 70 yıllığına bağışlanğan avtoyürüşini başlağan «Noçnıye volki» Rusiye bayk-klubınıñ ve şeer ükümetiniñ nezareti altında miting olıp keçti.

XS
SM
MD
LG