Qırım qurtarıcıları bildire ki, yarımdada mart 17-de gece ava bozulğan soñ kesilgen elektrikler bütünley ğayrıdan tiklenildi.
Bunı çarşenbe künü, mart 18-de, Qırım Fevqulâde vaziyetler hızmetiniñ matbuat hızmeti bildire.
Hatırlatamız, Qırımda salı künü, mart 17-de, qar yağğanından sebep tahminen 18 biñ kişi elektriksiz qaldı.
Salı künü kündüz 13 mesken yer ışıqsız qaldı, olardan dörtü – qısmen.
Elektriksiz qalğan mesken yerlerniñ çoqusı Qırım yarımadasınıñ şarqındaki Keriç ve Yedi Quyu rayonında yerleşmekte.
Qırımda mart 17-de raatlıq künleri ilân etilgen furtuna havfı qala. Şimaliy-şarq yelniñ süratı saniyede 25-28 metrni teşkil etken edi. Yarımadada qar yağdı.
