Link açıqlığı

Moskvada Kreml divarları yanında mart 18 künü «Qırımnıñ Rusiyege qoşuluvı» yıllığı munasebeti ile «Berabermiz» adlı miting-kontsert keçirilecek.

Aktsiyada prezident Vladimr Putin, deputatlar, «Antimaydan» areketiniñ tarafdarları iştirak etecekler, haber ete Radio Svoboda.

Soñki yıl içinde bu devlet başınıñ mitingde endi ekinci iştiragi olacaq. Yıl evelsi Qızıl Meydanında çıqışta bulunğan Putin «Qırım ve Aqyar tuvğan limanına qaytqanını» bildirdi.

Matbuat vastalarınıñ malümatına köre, Moskva akimiyeti insanlarnı mitingge barmağa mecbur ete.

Şu cümleden, Novaya gazeta Moskva mekteplerine kelgen mektüpler aqqında yaza – tedbirge 10-30 iştirakçini yollamaq kibi. Ağda da bu kibi davetler bar. Beyanatlarğa köre, iştirakçiler 16-80 yaşında dülber ve ayınıq olmalı. İştirakçilerge tazminat berilecek, dep haber ete massovki.ru.

Aktsiya keçirilecek sana Büyük Moskvorets köprüne baqa, mında fevral soñunda Boris Nemtsov öldürilgen edi. Merhumnıñ dostları vandalizm areketlerniñ ola bilecegini tüşünip, Nemtsovnıñ vefat etken yerni qorumağa rica ete.

2014 senesi mart 18 künü Moskvada «Qırım ve Aqyarnıñ Rusiyege qoşuluvı aqqında» añlaşma qabul etildi. Qırmda mart 18 – raatlıq künü olaraq qayd etile. Yarımadada mart 18-de aqşamğa qadar sürecek tedbirler azırlanılğan.

Dünyada Qırım işğali yıllığında Ukrainanıñ işbu toprağınıñ işğali tanılmağanını bildireler. AQŞda işğal etilgen Qırımda insan aqları ile bağlı vaziyetniñ zor olmasına ayrı diqqat ettiler.

XS
SM
MD
LG