Link açıqlığı

Mart 20 künü Aqmescitniñ merkeziy Kebir Camisinde öldürilgen qırımtatar faali Reşat Ametovnıñ ruhuna dua oquycaqlar.

Bunı Qırım musulmanlarınıñ Diniy idaresiniñ matbuat hızmeti bildire.

Dua yerli vaqıtke köre saat 12:30 başlap, 12:58-ge qadar devam etecek. Qabaatsız ketken musulmannı er istegen insan kelip aña bile.

2014 senesi mart 3-te saba, Aqmescitniñ Maryino mikrorayonınıñ 39 yaşında sakini, üç balanıñ babası Reşat Ametov evden çıqtı. Tuvğanlarına arbiy komissarlıqqa barıp, Ukraina ordusınıñ göñüllileri sırasına yazılacağını ayttı. Videokameralar onı Qırımnıñ Nazirler Şurası yanındaki Lenin meydanında piket keçirilgende çıqardılar.

Videoğa köre, Qırımnıñ «samooboronası» onı maşinağa oturttı. Eki aftadan soñ Reşat Ametovnıñ cesedi Qarasuvbazar rayonınıñ Ortalan köyünde tapıldı. Erkekniñ bedeninde azap izleri bar edi, başı yapışqan şerit ile sarılğan edi. Berilgen malümatqa köre, ölüm sebebi pıçaq ile yapılğan köz yarası oldı. Şimdilik Reşat Ametovnıñ öldürüv taqiqatı toqtatıldı.

XS
SM
MD
LG