Link açıqlığı

Qırımda salı künü, mart 17-de, 21 meskün yer eletrik energiyasız qala. Qırım Fevqulâde işler nazirliginde aytılğanı kibi, elektrikasız 9741 insan qaldı.

«Elektrik teminatınıñ tamiri ile «Krımenergo» şirketiniñ 38 brigadası oğraşa. Qırım Fevqulâde işler nazirliginiñ mahsus bölükleri çalışa», – denile beyanatta.

Evel bildirilgeni kibi, Qırımda salı künü, mart 17-de, qar yağuvdan 18 biñge yaqın insan elektrikasız qaldı. Qırım Fevqulâde işler nazirliginiñ matbuat hızmeti bildirgeni kibi, salı künü 13 meskün yer ışıqsız qaldı. Olardan çoqusı Qırım yarımadasınıñ şarqiy qısmındadır: Keriç ve Lenin rayonında.

Мart 17-de saba Aqmescitte qar yağmağa başladı. Yollar ve qalımtılarnı qar örtti, lâkin o da tez irey. Yollarda areket daa yavaş, em maşina, em de adamlar eksildi. Qırımda mart 17-de furtuna havfı qalmaqta. Yarımadada ava bozulacağını tahmin eteler.

XS
SM
MD
LG