Qırımda ukrain şairi Taras Şevçenko hatırasına aktsiya iştirakçisi Veldar Şukurciyevni Rusiye İçki işler nazirliginiñ ekstremizmge qarşı idaresinde («E» merkezi) bir saatlik subetten soñ «ekstremist faaliyetiniñ yasağı» aqqında tenbiyelediler. Bunı QHA haber agentligi bildire.
Neşirniñ malümatına köre, faal vesiqanı imzalamağa istemedi.
Malüm olğanı kibi, salı künü, mart 17-de, Aqmescitte ukrain şairi Taras Şevçenko hatırasına numayış iştirakçisi Veldar Şukurciyevni Aqmescitte yerleşken Rusiye İçki İşler Nazirliginiñ ekstremizm ile küreş bölügine («E» merkezi) sorğuğa çağırdılar. Bunıñ ile idarede insan aqları boyunca eyyet vekilleri buluna.
Evel bildirilgeni kibi, ukrain şairi Taras Şevçenkonıñ hatırasına keçirilgen aktsiyanıñ daa eki iştirakçisine 40 saatlik mecburiy işler belgilendi.
Leonid Kuzmin, Vеldar Şukurciyev ve Aleksandr Kravçenko mart 9-da Aqmescitniñ Gagarin bağçasında ukrain şairi Taras Şevçenkonıñ hatırasına keçirilgen aktsiyada yaqalanıp, Demir yol rayon politsiya bölügine alıp ketirilgen ediler
