Yıl evelsi Kremlde qırımtatar halqı Rusiyeniñ Qırımğa kelmesini alğışlar dep ümüt ete ediler, – dep bildirdi Qırımtatar Milliy Meclis reisi Refat Çubarov Radіo Svobodağa.
«Putin ve onıñ kreml taqımı içün Rusiyeniñ Qırımda mevzimini pekite bilecek protsesslerde qırımtatar faktorınıñ olması pek müimdir. İşğalniñ birinci kün, aftaları olar farqlı eyyetler yardımı ile alğışımıznı, Qırımğa kelgenleri içün hayırlav sözlerimizni eşitecek ediler. İlk olaraq Qazan siyasetçileri – aqiqat, Tatarisatn prezidenti Rustam Minnihanov da şu cümleden», – dedi Refat Çubarov.
Onıñ sözlerine köre, Kremlden kelgen eytler ile «samimiy ve açıq subetler» keçirile edi.
«Şunı qayd etmek isteyim ki, birazdan Moskva birini çetke çeke, başqasını ise yollay. Bu şunı isbatlay ki, Moskva iç bir vaqıt qavmiy elitalarğa inanmay edi. Milliy elitalarğa inanmay, şunıñ içün olarnıñ Qırım vaziyetine celp etilmesi aqta söz ketkende, olarnı sıq qarıştıra», – dedi Refat Çubarov.
Qırımtatar Milliy Meclisi Qırım işğaline qol tutmadı.
2014 senesi fevral 26 künü Qırım Yuqarı Şurasınıñ deputatları nevbetten tış sessiyanıñ keçirilecegini ilân etti, on biñden ziyade insan Qırım ükümetiniñ binasına barışıq mitingi ile kelip, sessiyanı lâğu etmege talap etti. Ükümet insanlarnıñ talabı ile razı olğanından soñ, cemaat dağıldı. Saba erte Qırım Yuqarı Şurasınıñ silâlı zaptı keçirildi. Mart 16 künü qanunsız «referendum» keçti.
