Link açıqlığı

Saatnıñ esas haberi

Şevçenko hatırasına numayış iştirakçisini ekstremizm ile küreş bölügine çağırdılar


Qırım, 2015 senesi mart 17 künü
Qırım, 2015 senesi mart 17 künü

Aqmescitte ukrain şairi Taras Şevçenko hatırasına numayış iştirakçisi Veldar Şukurciyevni kene sorğuğa çağırdılar. QHA agentligi bildirgeni kibi, Şukurciyevni Aqmescitte yerleşken Rusiye İçki İşler Nazirliginiñ ekstremizm ile küreş bölügine ( «E» merkezi) çağırdılar.

İnsan aqları boyunca Qırım alan eyyetiniñ malümatına köre, Veldar Şukurciyev ile «E» merkezinde subet saat 15:00 başlandı. Bunıñ ile idarede insan aqları boyunca eyyet vekilleri buluna.

Evel bildirilgeni kibi, ukrain şairi Taras Şevçenkonıñ hatırasına keçirilgen aktsiyanıñ daa eki iştirakçisine 40 saatlik mecburiy işler belgilendi.
Leonid Kuzmin, Vildar Şukurciyev ve Aleksandr Kravçenko mart 9-da Aqmescitniñ Gagarin bağçasında ukrain şairi Taras Şevçenkonıñ hatırasına keçirilgen aktsiyada yaqalanıp, Demir yol rayon politsiya bölügine alıp ketirilgen ediler.

XS
SM
MD
LG