Link açıqlığı

Saatnıñ esas haberi

Qardan sebep Keriç civarındaki qasabalar ışıqsız qaldı


Qırım, 2015 senesi mart 17 künü
Qırım, 2015 senesi mart 17 künü

Qırım yarımadasında salı künü, mart 17-de, qarnıñ yağmasından sebep bir qaç qasaba ışıqsız qaldı. kerch.com saytı bildirgeni kibi, şu sırağa Keriç civarında yerleşken bir qaç qasaba kire.

«Elektroağlarnıñ söndürilmesi saba saat 10-da başlandı. Birinci nevbette Gerovka, Mayaka, soñra Glazovka qasabaları ışıqsız qaldı. Keriç merkezine de «tiydi». Umumen 14 ağ söndürildi», – denile beyanatta.

Mütehassıslarnıñ aytqanına köre, qar yağmasından sebep qoruv tertibatı bozuldı.

Mart 17-de saba Aqmescitte qar yağmağa başladı.

Qırım.Aqiqat mühbiri bildire ki, ruzgâr ve yağanaqlar neticesinde paytahtnıñ soqaqlarında tam bir furtuna qoptı. Yollar ve qalımtılarnı qar örtti, lâkin o da tez irey.

Yollarda areket daa yavaş, em maşina, em de adamlar eksildi.

Qırımda mart 17-de furtuna havfı qalmaqta. Yarımadada ava bozulacağını tahmin eteler.

Furtuna havfı Qırımda raatlıq künlerinden berli ilân etile, üç künden berli Keriç parom keçiti çalışmay.​

XS
SM
MD
LG