Rusiye aktöri Mihail Poreçenkov «Qırımda mücize» filmi ile Donbassqa baracaq.
Al-azırda levhanı yarımadada çıqaralar. Bunı o mart 17-de Aqmescitteki matbuat konferentsiyasında bildirdi, dep haber ete akimiyetniñ tarafdarı Krıminform saytı.
«Men daa bir kere Donbassqa baracam, yalıñız levha ile degil, mustaqillik içün küreşken balalarğa yardım etmek içün», – dedi o.
«Qırımda mücize» – «Krım Kino» kinostudiyası çıqarğan birinci tam metrajlı filmdir. Levha süjeti – adiy aydavcı ve meşur aktrisanıñ sevgi ikâyesidir. Poreçenkov ve İrina Grineva baş qaramanlar rolüni oynadılar.
Levha bu sene noyabr ayında Aqmescitte taqdim etilecektir.
Ukraina havfsızlıq hızmetiniñ Baş taqiqat idaresiniñ yolbaşçısı Vasiliy Vovk yanvar ayında bildirdi ki, Mihail Poreçenkov Rusiye artistleri Yuliya Çiçerina ve İosif Kobzon ile beraber qıdıruvğa ilân etildi.
2014 senesi oktâbr 30-da Rusiye aktöri Mihail Poreçenkov separatistler zapt etken ukrain Donetskini ziyaret etken edi. Separatistlerniñ saytında Poreçenkov ile video bar, o, «Matbuat vastaları» yazısı ile urba kiyip, ateş aça. Levhada Rusiye vatandaşınıñ nişanı körünmey, özü ise «adamlarğa ateş açmağanını» bildire.
