Link açıqlığı

Qırım işğaliniñ yıllığı munasebeti ile Sankt-Peterburgda bediiy aktsiya olıp keçti. Sanalaştırmada köteklengen ve yaralanğan Rusiyeniñ Ukrainanıñ bir parçasını «tartıp almaq» istegini kösterdiler.

Ğaye müellifi vatandaş faali Mariya Lakertiannıñ aytqanına köre, aktsiyanıñ manası – Qırım işğaliniñ ketirgen zararını köstermektir.

Rusiyede mart 16-da ukrain Qırımı işğaliniñ birinci yıllığına bağışlanğan bir aftalıq tedbirlerni keçirmege başladılar.

Bazarertesi künü Aqmescitte büyük Rusiye bayrağını açtılar. Görkiy soqağında ise Qırım yarımadası ve «Evimiz – Rusiye» yazısı ile hatıra tahtasını tiklediler.

Aynı zamanda bütün dünya işğal etilgen topraqlarnı tanımağanını daa bir kere hatırlattı.

2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

Bundan soñra AQŞ ve Avropa Birligi Rusiyege qarşı bir sıra iqtisadiy cezalarnı kirsettiler. Ğarp Qırım Ukraina olğanını ayta.

XS
SM
MD
LG