Bu afta Ukraina informatsion siyaset naziri OSCE temsilcileri ile körüşecek. Körüşüvde Qırımda söz ve matbuat serbestliginiñ bozuluvı aqta maruzanı taqdim etecekler. Bunı Ukraina informatsion siyaset naziriniñ keñeşçisi Sergiy Kоstinskıy mart 16 künü Kiyevde matbuat konferentsiyası devamında bildirdi.
«İnformatsion siyaset nazirligi halqara institutları ile işbirlik arttırması ile oğraşacaq. Şusı müim ki, bu körüşüvlerde yalıñız belli olğan malümatnıñ tesbiti degil de, Qırımda mustaqil matbuat vastalarınıñ ve söz serbestliginiñ yoq etilmesine qarşılıq yolları da işlep çıqarılacaq», – dedi Kostınskıy.
Onıñ sözlerine köre, nazirlik yarımadanıñ aqiqiy vaziyetini aks ettirgen mustaqil qırım matbuat vastaları, jurnalist, bloggerlerge destek kösterüvi ile oğraşacaq, söz serbestliginiñ saqlanılmasını nezaret etecektir.
Bunıñ ile nazirlik işğal etilgen topraqlarda Ukraina vatandaşlarınıñ aq bozuluvlarına merkeziy akimiyet organlarınıñ reaktsiyasını temin etecek ola.
«İnformatsion siyaset nazirliginiñ esas vazifelerinden biri – Qırımda söz ve matbuat serbestliginiñ sıñırlavı. Bizim içün söz serbestligi – Qırımda Rusiye teşviqatına qarşılıq aleti ola», – dedi nazir keñeşçisi.
Kostınskıy Qırımda matbuat vastalarına basqı kösterilmesi ep devam etkenini qayd etip keçti.
