Rusiye Federatsiyasına nisbeten cezalar ukrain Qırımnıñ azat etilmesinden soñ lâğu etile bile. Bunı mart 16 künü Ukraina prezidenti Petro Poroşenko twitterde bildirdi.
«Cezalar Qırım yarımadası azat etilmesinden soñ lâğu etile bile», – dep yazdı prezident.
2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.
2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.
Bundan soñra AQŞ ve Avropa Birligi Rusiyege qarşı bir sıra iqtisadiy cezalarnı kirsettiler. Ğarp Qırım Ukraina olğanını ayta.
