Link açıqlığı

Qırım Rusiye tarafından işğal etilmese, mında Donbassta olğan arbiy areketler başlar edi, degen efsane Qırımda endi yoq oldı. Bunı mart 16 künü Qırımtatar Milliy Meclis reisi Refat Çubarov bildirdi. Çubarov şunı da qoştı ki, işbu efsaneni Qırımda şimdiki akimiyet tarafından tarqaldı.

«Qırımda vaziyetniñ beterleşüvi ile işğalci ükümet insanlar öz zor alını akimiyetke bağlamasın dep, çeşit delil qıdıracaqtır. Böyle delillerden biri – yeter ki, cenk olmasın», – dedi Refat Çubarov.

Onıñ sözlerine köre, Qırımda «Rusiyeniñ Ukrainağa qarşı cenki Qırımdan başlanğanını» añlağan insanlarnıñ sayısı ep arta.

«Putin Donetsk ve Lugansk vilâyetlerine, Qırımğa kirgeni kibi, kelgende, Ukrainanıñ Harkovdan Pridnestrovyege qadar toprağını ala bilecegine ümüt besley edi. Putiniñ planı edi, bunı Rusiye siyasetinde endi kimse red etmey», – dedi Çubarov.

Soñki yıl devamında Rusiye matbuat vastaları Rusiye qırımlılarnı «Ukraina şarqında cenkni başlağan ukrain zulumcı» areketlerinden qurtarğanı aqqında fikirni bastıra edi. Böyle malümat Qırımda nevbetteki fikirlerniñ olmasına yol berdi: «yeter ki, atmasınlar», «cenk olmasın» ve ilâhre.

2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

Bundan soñra AQŞ ve Avropa Birligi Rusiyege qarşı bir sıra iqtisadiy cezalarnı kirsettiler. Ğarp Qırım Ukraina olğanını ayta.

XS
SM
MD
LG