Link açıqlığı

Saatnıñ esas haberi

Aqmescitte Gоrkiy soqağında bazarertesi mart 16 künü Qırım yarımadasınıñ resmi ve «Evimiz – Rusiye» yazısı ile hatıra taşnı yerleştirdiler. Qırım.Aqiqat mühbiri aytqanı kibi, tedbirde Qırım akimiyetiniñ temsilcileri iştirak etti.

Aqmescit memuriyetiniñ başı Gennadiy Baharev mezkür taş «Qırım baari» vaqiaları aqqında hatırlatacağını» bildirdi.

Aynı zamanda Baharev hatıra taşnıñ müellifi kim olğanı aqta sualge cevap berip olamadı. Onıñ sözlerine köre, «faal aqmescitliler, eki insandır», bunıñ ile şunı da qayd etti ki, şeer memuriyeti olarğa «az-buçuq maliye yardımnı köstergen» eken.

Aqmescitte mart 16-da Qırım parlamenti ögünde Qırımda olıp keçken sahte referendumnıñ yıllığı munasebetinen büyük Rusiye bayrağı açıldı.

«Qırımnıñ Rusiyege qoşulmasınıñ» yıllığına bağışlanğan tedbirlerden sebep Qırım yolbaşçısı Sergey Aksenov mart 16-de iş kününi qısqarttı.

Vesiqağa binaen, devlet akimiyeti ve teşkilâtlarında iş künü bir saatke qısqartılacaq.

Mart 18 künü yarımadada tatil olaraq ilân etilgen edi. Bayram tedbirleriniñ çoqusı Qırımnıñ paytahtı Aqmescitte keçirilecek. Aqmescitniñ Lenin meydanında tantanalı toplaşuv ve bayram kontserti ötkerilecektir

XS
SM
MD
LG