Mart 16-da Jenevada Birleşken milletler teşkilâtı İnsan aqları komitetiniñ 113-ünci sessiyası açıldı, tedbirge Qırımtatar Milliy Meclis reisi Refat Çubarov da keldi.
«Ümüt etem ki, Qırım işğaliniñ nevbetteki yıllığını Gaagada Rusiye reberligini mahkeme etüv toplaşuvında qarşılaycaqmız», – dep yazdı Çubarov Facebookta.
Çubarov Qırım.Aqiqatqa bergen malümatına köre, o, ukrain ekspretleri, em de Ukraina Yuqarı Radasınıñ insan aqlarından vekâletlisi Valeriya Lutkovskaya ile beraber Jenevada BMT insan aqları Şurasınıñ diplomatları ile körüşecekler. Körüşüvde Qırımdaki soñki repressiyalar aqqında malümat bermege planlaştırıla.
