Qırım yarımadası iç bir vaqıt Ukrainağa qaytmaz, dep bildirdi Qırım baş naziri Sergey Aksenov «Pervıy krımskiy» telekanalına, dep haber ete Qırım.Aqiqat.
«Qırımnıñ iç bir vaqıt Ukrainağa qaytmaycağını kefil etemiz, bu qaytuv soñki – bir kerelik», – dedi Aksenov.
O, «Qırımnıñ Rusiye ile birleşmesi» esnasına issesini qoşqan er keske teşekkürler bildirdi.
«Prezidentsiz bu olmaz edi. Vladimir Vladimiroviç – büyük devletniñ lâyıq prezidenti, onıñ içün cebege ketmek ayıp degil», – dedi Aksenov.
Onıñ aytqanına köre, Qırımda cenk olmaycaq.
2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.
Bundan soñra AQŞ ve Avropa Birligi Rusiyege qarşı bir sıra iqtisadiy cezalarnı kirsettiler. Ğarp Qırım Ukraina olğanını ayta.
