Rusiye prezidenti Vladimir Putin bazarertesi künü, mart 16-da, Sankt-Peterburgda Qırgızistan prezidenti Almazbek Atambayev ile muzakereler keçirecek.
Kremlniñ matbuat hızmeti bildire ki, muzakerelerniñ kün tertibinde ticaret yatırım, medeniyet gumanitar ve energetik saalarda işbirlik meseleleri bar.
Qırgızistan prezidenti Rusiye zenaatdaşı ile bu yıl ekinci kere körüşe, dep qayd ete Kremlniñ matbuat hızmeti.
Rusiye prezidenti Vladimir Putinni 10 kün, mart 6-dan itibaren, körmediler. Onıñ temsilcisi Dmitriy Peskov izaatlar bermeyip, internette bunıñnen bağlı tahminlerni «baar tesiri» dep adladı. Onıñ aytqanına köre, Putin sağdır ve «onıñ işi çoq».
