Link açıqlığı

Avropa Birliginiñ tışqı işler nazirleri Qırım işğaliniñ yıllığı ile bağlı beyanatnı qabul etecekler


Tışqı işler boyunca Avropa birligi şurasınıñ mart 16-da Brüsselde ötkerilecek toplaşuvınıñ kün tertibine Rigadaki «Şarqiy işbirlik» sammitine azırlıq meseleleri kirsetildi. Böylece, Avropa birligi aza memleketleriniñ tışqı işler nazirleri Ukraina şarqındaki zıddiyetni ve Ğarpnıñ Rusiye ile munasebetlerini muzakere etecekler.

Avropa diplomatları Rusiyeniñ Qırım işğaliniñ yıllığı ile bağlı beyanatnı qabul etmege planlaştıralar.

Keçken afta Avropa birliginiñ şurası Ukraina mustaqilligi ve topraq bütünligine iddia etmege tırışqan 150 adam ve 37 teşkilâtqa qarşı kirsetilgen cezalarnı yarım yılğa qadar uzattı.

«Şarqiy işbirlik» sammiti Rigada mayıs 21-22 künleri keçirilecek.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

Bundan soñra AQŞ ve Avropa Birligi Rusiyege qarşı bir sıra iqtisadiy cezalarnı kirsettiler. Ğarp Qırım Ukraina olğanını ayta.

XS
SM
MD
LG