Rusiye prezidentiniñ matbuat kâtibi Dmitriy Peskov aytqanı kibi, bazar künü, mart 15-de, Vladimir Putin Rusiye tarafından Qırım işğali aqqında tarif etken «Qırım. Vatan yolu» vesiqalı filmni baqacaqtır.
Peskovnıñ sözlerine binayen, film çıqaruvında iştirak etken Putinniñ özü filmni daa körmegen eken.
Radіo Svoboda malümatına köre, Putinni endi on kündir kimse körmey. Rusiye yetekçsiniñ bulunuv yeri belgisizdir.
«Qırım. Vatan yolu» vesiqalı film ukrain Qırımnıñ işğali aqqında tarif ete. Filmde Vladimir Putinniñ izaatları berile.
(YouTube qullanıcısı TV– Novosti videosı)
Ğarbiy memleketlerniñ yetekçileri filmni endi takbih ettiler. Olarnıñ fikrine köre, film qanunsız areketler aqqında tarif ete, memleketniñ topraq bütünliginiñ ve halqara mecburiyetlerniñ bozuluvı aqta.
Ukraina ükümeti de işbu filmni Gaaga halqara mahkemesine bermege niyetini bildirdi. Bunı baş nazir Arseniy Yatsenük aytqan edi. Rusiye Tış işler nazirliginde Kiyevniñ işbu niyetini «teşviqat» olaraq adladılar.
