Qırım işğali yıllığında qırımtatar studentleri Lviv sakinlerine teşekkür sözleri ile muracaatnı yazdılar. Ukrain tilinde yazılğan muracaat Lviv sakinlerinіñ yaqında qırımtatar tilinde yazğan muracaatına cevap oldı.
«Halqlarımıznıñ ağır taqdirlerinde umumiy noqtalar çoq. Topraq, devlet, til ve medeniyetimizden marum qaldıra ediler. Öz toprağımızda saip olmaq aqqımıznı tutıp ala ediler. Amma biz dayandıq», – denile muracaatta.
«Belâda dostlarnıñ destegi er vaqıt yardım ete. Biz yalıñız degilmiz. Bizni kimse yeñip olamaz. Çünki artımızda – aqiqat bar», – deyler qırımtatar studentleri.
(YouTube qullanıcısı ElvirSagirmannıñ videosı)
Belli olğanı kibi, «Krım SOS» cemaat teşebbüsi ve «Lviv Qırım evi» qırımtatar medeniy merkezi Rusiye tarafından Qırım işğaliniñ yıllığında qırımlılarğa «Biz mıtlaqa beraber olacaqmız» degen muracaatnı yazğan ediler.
Yazıcı, student, aktör, jurnalist, çalğıcı ve Lviv şeer başı Andriy Sadovıynıñ videomuracaatı qırımtatar tilinde yazılğan edi.
