Link açıqlığı

Qırımtatar Milliy Meclisi: «Qırım» toplaşuvında Qurultay vekilleriniñ sayısı çoq degil edi


«Qırım» firqasınıñ toplaşuvında Qurultay vekilleriniñ sayısı 30-40 insan edi, – dep haber ete mart 15 künü QHA Qırım haber agentligi.

Qırımtatar Milliy Meclis prezidium azası Ali Hamzin aytqanı kibi, bu «Qırımtatar Milliy Meclisiniñ yañı reisini saylamaq niyeti ile Qırımtatar Milliy Qurultayını keçirmege istegenlerniñ» körüşüvi edi.

Onıñ sözlerine köre, körüşüvde Qırımtatar Milliy Qurultay vekilleriniñ bar olğanına binayen, toplaşuv teşebbüsçileriniñ mevamı «milliy toplaşuv vekilleri arasında hususiy destekke nail».

«Menimce, Meclis şimdi bunı al etmek kerek. Anda Qurultaynıñ 30 vekili iştirak etse bile, insanlarnıñ Qurultaynı nasıl maqsat ile toplamaq istegini ve ne sebepten işbu toplaşuvğa qol tutqanlarını ögrenmek kerek. Neden ne sebepten memnün degiller? Qurultay ve Meclis qaidelerini bilelermi?», – dedi Ali Hamzin.

Qurultay vekili, Qırımtatar Milliy Meclis azası İlmi Ümerovnıñ fikrine köre, «Qırım» birliginde Qurultay vekilleriniñ sayıı teşkilâtçılarnıñ aytqanı kibi degil.

«Toplaşuv iştirakçileriniñ sayısı 70-ten ziyade degil. Umumen, yani vekil ve razı olmağanlar ile birlikte. Razı olğan vekilleriniñ sayısı o qadar çoq degil», – dedi İlmi Ümerov.

Evel Qırım matbuat vastaları «Qırım» firqasınıñ toplaşuvında Qırımtatar Milliy Qurultayınıñ 113 vekili bar olğanını bildirgen edi.

XS
SM
MD
LG