Link açıqlığı

Cumaertesi künü, mart 14-de, «Sofiya Kiyevskaya» milliy qoruğınıñ territoriyasında Qırımdan köçip kelgenlerniñ körüşüvi keçti. «Qırımnı sevemiz: Bağçasaray ve onıñ civarı» olaraq adlanğan körüşüvni «Qırım diasporası» göñülli cemaat teşkilâtı azırladı.

Tedbirde musafirlerge foto ekskursiyanı keçirdiler, tabiat manzaralarını kösterdiler, Bağçasaray rayonı tarihiy ve medeniy abideleri ile tanış ettiler.

Qırım.Aqiqat mühbiri aytqanı kibi, musafirler qavmiy eali ve Qırımnıñ milliy adetleri aqqında malümatnı elde etip, «haytarma» qırımtatar milliy oyunı boyunca ustalıq derste iştirak ete bildiler.

Tedbirge qırımlılar, Donetsk vilâyetinden köçip kelgenler, Kiyev sakinleri qoşuldı. Qırımlılarnıñ çoqusı öz balaları ile keldiler. Ekskursiyanı Ukraina Milliy İlimler Akademiyasınıñ ilmiy hadimi Margarita Aracioni keçirdi.

«Meraqlı birikme: şeer aqqında öz noqtaiy-nazarından tarif etken ekspert, mütehassıs tarihiy kezintini keçire ve Qırımnıñ bu şeeri aqqında işbu şeer sakinleri de kendi izaatlarını qoşa bile. Bizim içün bu pek müim şey, böylece, köçip kelgenlerni qabul etken kiyevliler Qırım aqqında çoqça malümatnı elde ete bile», – de qayd etti «Qırım diasporasınıñ» başı Anatoliy Zasoba.

Eki bala anası, Kezlevden köçip kelgen Oksana Vikarçuk Qırım.Aqiqatqa aytqanı kibi, bu kibi körüşüv, subetlerniñ ruhiy desteginden ğayrı, ameliy faydası bar.

«Qırım zaptı başlağanda, bizim Qırım ukrainlileri, Qırım diasporası ile munasebetimiz faal oldı. Kiyevde bulunğan qırımlılarnıñ zenaatları aqqında bilemiz. Misal içün, bizge yuridik yardım kerek edi – adliyecimiz kim olğanını bilemiz, oña muracaat etemiz. Tiş ekimi kerek olsa – bizim stomatologımızğa telefon etemiz. Birleşip, bir-birimizge yardım kösteremiz. Qırımdaki dostlarımız bizden yüz çevirse, mında yañı soyları tapıldı», – dey qadın.

Böyle körüşüvler er ay keçe. Fevral ayında Aluşta ve Ermeni Bazarğa ait olğan körüşüv keçti, nevbette Yalta ve Aqyar. Tedbirge er istegen insan qoşula bile.

İşbu tedbirlerni tarihçı ve Qırım işğalinden soñ qıtaiy Ukrainağa köçken qırımlılar azırlay.

XS
SM
MD
LG