Ukrain ekimleri Moskvada esir alınğan ukrain uçucısı Nadejda Savçenkoğa kirdiler. Bunı Ukraina tışqı işler naziri Pavlo Klimkin Twitterde bildirdi.
«Atılğan adımlar sayesinde, Poroşenkodan başlap Moskvadaki konsulımızğa qadar, ukrain ekimleri Nadejdanıñ yanında bulunalar», – aytıla haberde.
Mart 13-te ukrain ekimlerini Nadejda Savçenkoğa kirsetmegen ediler. Mark Feyginniñ aytqanına köre, Savçenkonıñ tatası ekimler ve Ukraina konsulınen beraber 6 saatten ziyade SİZO yanında beklediler.
Savçenkonıñ imayesi Rusiye Baş prokuraturasına ekimlerniñ kirsetilmemesinden şikâyet etmek planları aqqında bildirdi.
