Link açıqlığı

Mart 14-te saba Aqmescitte faal Aleksandr Kravçenkonı yaqaladılar. Faalniñ özü Qırım.Aqiqatqa bildirdi ki, politsiya hadimleri onı ukrain timsalleri sebebinden yaqaladılar.

«Meni Şevçenko bağçasında yaqaladılar. Men anda jurnalistlernen körüşmek içün keldim. Politsiya ve samooborona hadimleri maña yasaq etilgen timsaller aqqında ayttılar. Yanımda mavı-sarı şerit bar edi», – dedi Kravçenko.

Faalni Aqmescitniñ Merkeziy rayon politsiya bölügine alıp kettiler, şimdi protokol tizile, Kravçenko sorğu keçirilmesini bekley, adliyeci daa kelmedi.

Aleksandr Kravçenko mart 9-da Taras Şevçenkonıñ hatırasına keçirilgen mitingde yaqalanğan faallerden biridir. Mart 12-de mahkeme onı ve daa eki faalni mavı-sarı bayraqlar ve şeritler içün 40 saatlik mecburiy işler ile cezaladı.

XS
SM
MD
LG