Link açıqlığı

Saatnıñ esas haberi

Lvivde «Kobzar» eykeli yanında «Qırım – Ukrainadır» aktsiyasını keçirecekler


Bazar künü, mart 15-te, Lviv cemaat teşebbüsleri ve Qırım faalleri yarımada işğaliniñ yıllığına bağışlanğan «Qırım – Ukrainadır» aktsiyasını keçirecekler. Bu aqqında Lviv yolbaşçılığınıñ matbuat hızmeti bergen beyanatında aytıla.

Aktsiya Kiyev saatine köre saat 14:00 başlanacaq. Onı Qırım ve Lvivde köçip kelgenlerniñ meselesinen oğraşqan Qırım ve cemaat teşkilâtları teşkil ete. Bundan ğayrı, şeerde daa bir sıra tedbir keçirilecek. Böylece, Lviv sakinleri ve şeer musafirlerini Rınok meydanı, 13 adresi boyunca keçirilecek «Qırımnıñ bir parçası yüregimde» hayriye aktsiyasına davet eteler.

Tedbir saat 13:00 «Bir deñizde balıqlarmız» («Vse mı rıbı v odnom more») fleşmobı ile başlanacaq. Aktsiyada Qırım, Lviv ve Almaniya ressamlarınıñ Qırımda çıqarğan fotoresimlerinen tanış olmağa imkân olacaq.

Lviv sakinleriniñ qırımlılarğa video muracaatları, em de Qırım studenti ve genç Lviv ressamlarınıñ leyhaları taqdim etilecek. Programmada deñiz aqqıda şiirler oqunacaq.

Aktsiyanıñ soñunda Lviv sakinleri ve qırımlılar kâğıt gemilerni yapacaqlar.

Qıtaiy Ukrainada fevral 23-ten başlap mart 17-ge qadar «Qırım – Ukrainadır» informatsion kampaniyası keçirilmete. Oña cemaat munaqaşaları, soqaq aktsiyaları ve Qırım işğaliniñ yıllığına bağışlanğan media tedbirler kirmekte.

Kampaniya teşebbüsçileriniñ aytqanına köre, olarnıñ maqsadı – Ukraina akimiyeti ve cemaatına Qırım yarımadasında olğan facia aqqında hatırlatıp, 2014 senesi Rusiye tarafından işğal etilgen Qırım yarımadasınıñ qaytarılması işinde birleşmege çağırmaqtır.

XS
SM
MD
LG