Mart 14-te Tataristanda Qazandaki «Admiral» alış-veriş merkezinde yüz bergen yanğın neticesinde elâk olğanlarnıñ hatırasına matem künü ilân etildi.
Soñki malümatlarğa köre, facia aqibetinde 15 insan elâk oldı, 19 kişi – virane altında qala bile. Onlarnen adam zarar kördi.
Qazannıñ Sovet rayon mahkemesi cuma künü şeerde yanğan alış-veriş merkeziniñ kiracı şirket müdirini eki ayğa apske aldı.
Güseyn Gahramanov mayıs 11-ge qadar nezaret altına alındı. Taqiqat malümatına köre, o, adamlarnı tahliye etmedi, em de yanğın qaplağan binasına malnı alacaq olğan adamlarnıñ kirmesine keder etken içki havfsızlıq hızmeti hadimleriniñ işini teşkil etmedi.
Taqiqat komiteti bildire ki, Gahramanov sorğuda bergen malümatlarına köre, 2013 senesi alış-veriş merkeziniñ teşkerüvi keçirildi, o vaqıt yanğın havfsızlığı qaideleriniñ bozuluvı qayd etilgen edi. Bu bozuvlar tüzetilmedi.
