Rusiyege qarşı yañı cezalar kirsetilmese, Rusiye işğal etilgen Qırımnı Ukrainağa qaytarmaycaq, dep tüşüne Qırımtatar Milliy Meclisiniñ reisi Refat Çubarov.
Bunı o, İnter telekanalında «Çernoye zerkalo» yayınında bildirdi.
«Eñ esası – Rusiyeni zayıflatmaq içün oña qarşı cezalarnıñ quvetleştirilmesidir. Buña irişmek içün bizler işaretlerge diqqat etmelimiz. Ğarp bizge ne ayta: «Bizge sizge ve özümizge yardım etmege imkân beriñiz», – dep ayttı Çubarov.
«Ekincisi – mudafaa, silâ, kerçek bir silâ. Üçüncisi – iqtisadiyat, uquq ve adalet. Bu üç şey bizge barışıq berecek, Qırımnı qaytaracaq», – dedi o.
Keçken sene mart ayında Rusiye ukrain Qırımını işğal etti. Bundan sebep ve Moskvanıñ Ukraina şarqında yapqanlarından sebep Ğarp oña qarşı cezalar kirsetti.
2015 senesi mart 13-te Avropa birliginiñ Şurası cezalarnı yarım yılğa qadar uzatmağa qarar aldı. Böylece, Ukraina mustaqilligi ve topraq bütünligine iddia etmege tırışqan 150 insan ve 37 teşkilât cezalandı.
Esap ve viza yasaqları 2015 senesi sentâbr 15-ke qadar devam etecek.
