Link açıqlığı

İşğal delilleri. İşbu künlerniñ deşeti bir türlü edi


Körgen ve bilgen şeyleriñizni bizlernen paylaşıñız, emailge yazıñız: krym_redaktor@rferl.org

Qırımda doğğan

Ukrain sözlerini qoşıp rusça laf etken büyük qorantada büyüdim. Er vaqıt özümni ukrain olaraq duya ve bundan ğururlana edim. Ana-babalarım 30 yıl evelsi Qırımğa qıtaiy Ukrainadan köçip kelgenler. Anam o vaqıt babamdan: «Biz Ukrainağa ketemizmi?» («Ми їдемо в Україну?») – sorasa, babam: «E» («Tak») dey edi. Avropa üslübinde qurulğan ukrain şirketinde çalışa edim. Bu vaqıt içinde ukrain tilinde serbest laf etmege ögrendim, buña işim fırsat yarattı. Talap etmedi, fırsat berdi.

Şimdi er şeyge «köz perdesinden» baqqanımnı añlayım, yaqınlaşqan işğal alâmetlerine qulaq asmayıp, yaşap keldim. Yaqında aqayıma 2008 senesi ediye etilgen «Rusiye birligi» yazısı ile futbolkanı taptım!

Yañı akimiyet Qırımnıñ Rusiye Federatsiyasına qoşuluv künü ne zaman qayd etilmek kerekligini tüşünip otura… ​ Bu künlerniñ deşeti bir türlü edi​

Yañı akimiyet Qırımnıñ Rusiye Federatsiyasına qoşuluv künü ne zaman qayd etilmek kerekligini tüşünip otura… Bu künlerniñ deşeti bir türlü edi. İçimni tırmalağan bir duyğu ile yaşay edim. Sanki tuvğan şeerim maña yabancı oldı. İnsanlar kederli, etrafta açuv ve nefret yaşara. Bir ande bütün dostlarımnı ğayıp ettim. Qırım boyunca ise yaşağan qornatamız ise aksine birleşti. Göñüllerimizge belâ keldi. Robotlar kibi yaşay, işley, haberlerde saatlernen nasıldır bir ümütni qıdıra edik.

Qorantamız Qırımda qaldı. Rusiye vesiqalarnı soñuna qadar almayıp, şahsiy aqiqatımızda yaşay edik. Ateşte qızdırılğan baqalar kibi.

Şahsiy noqtaiy nazarı olmağan, er şeyni sözü-sözüne Rusiye haberlerinden tekrarlağan insanlar arasında yaşamağa qolay degil edi. Mektep sınıfında tahta üzerinde asılğan Şevçenko sözleri aqlıma keldi: «Ögreniñiz, qardaşlarım, tüşüniñiz, oquñız». İnsanlar tüşünse ve olayatqan adiselerniñ aslını añlasa, ne qadar facia ve ölümniñ ögüni almağa mümkün olur edi...

Ümüt etem ki, bu sefer Rusiye tarafından Qırımnıñ soñki işğali olur ve Rusiye itibarı ve rusiyeli Qırımnıñ muqaddesliginde noqta qoyulır

Bir yıl içinde olğan adiseler qanunğa muvafıq olaraq körüne. Kimse sebep ve aqibet qanunlarını lâğu etmedi. Amma ümüt etem ki, bu sefer Rusiye tarafından Qırımnıñ soñki işğali olur ve Rusiye itibarı ve rusiyeli Qırımnıñ muqaddesliginde noqta qoyulır.

Direk ve tereklerde sarı-mavı bayaraqlarnı yañartıp kelgen gençlerge minnetdarım. Şeer merkezinde Vakarçuknıñ yırlarını icra etken yaşlarnı körmege ne hoş.

Qırımda qalğan ukrainlilerge ruhtan tüşmemek tileyim. E, şimdi Ukraina vaziyeti qıyın, amma er vaqıt öyle olmaz ki. Memleketniñ yıllar devamında tedaviylenmegen eski qoturları açıldı. Yaşayış bir nizamğa kelgence, çoq vaqıt keçer. Esası, barışıqnıñ tiklenmesi.

Qırımda doğğan, qırımlı
«İşğal delilleri» rubrikasında bildirilgen fikirler müelliflerniñ fikir-tüşüncelerini aydınlatıp, muarririyetniñ fikirleri ile aynı olmay bile

Körgen ve bilgen şeyleriñizni bizlernen paylaşıñız, emailge yazıñız: krym_redaktor@rferl.org

XS
SM
MD
LG