Link açıqlığı

Qırımnıñ içki siyaset, haber ve alâqalar naziri Dmitriy Polonskiy bildirdi ki, cuma künü, mart 13-te, Qırımda jurnalistlerni yaqalamadılar. Radio Svoboda mühbiriniñ, nazir jurnalist Natalya Kokorinanıñ yaqalanması ve onıñ ve daa bir Qırım jurnalisti Anna Andriyevskayanıñ ana-babaları yaşağan dairelerde tintüv keçirilmesiniñ sebepleri aqqında bilemi sualine, Dmitriy Polonskiy bunı birinci kere eşitkenini ayttı.

«Birinci kere sizden yaqalavlar aqqında eşitem. Bilgenime köre, bugün Qırım cumhuriyetinde jurnalistlerni yaqalamadılar, kesen-kes böyle. Uquq qoruyıcı organlar bir de bir taqiqat tedbirlerini keçirse de, mence, izaatlarnı olardan istemek kerek. Olar tam bir malümat berirler. Men bunıñ aqqında bilmeyim, bir de bir uquq qoruyıcı organlarnıñ işini nezaret etmeyim de. Mende olğan malümatqa köre, bir kimse iç bir kimseni yaqalamadı, Qırımda yaqalavlar olmadı», – dep ayttı Polonskiy.

Mart 13-te saba «Tsentr jurnalistskih rassledovaniy» mühbiri Natalya Kokorina işdeşlerine saat 8:00 oña ana-babasınıñ dairesine kelmege rica etkenlerini haber etti. O, dairege kelgen soñ onıñnen bağ üzüldi. Tintüvden soñ onı yaqaladılar.

Rusiye uquq qoruyıcıları adliyecini tintüv keçirilgen dairege almasalar da, Kokorinağa kirsettiler.

Cuma künü, mart 13-te, FSB hadimleri işğalden soñ Qırımnı terk etip, al-azırda Kiyevde yaşağan daa bir Qırım jurnalisti Anna Andriyevskayanıñ ana-babası yaşağan dairede tintüv keçirdiler. Jurnalistniñ babasına Aqmescit mahkemesiniñ qararını kösterdiler. Vesiqağa binaen, Andriyevskayağa nisbeten «Qırımda akimiyetni devirmek çağıruvları ile maqale içün» cinaiy iş açıldı.

OSCE söz serbestliği reisi Dunja Mijatović Qırımda jurnalistlerge yapılğan basqını takbih etip, «Tsentr jurnalistskih rassledovaniy» haber neşiriniñ jurnalisti Kokorinanı acele sürette azat etmege çağırdı.

XS
SM
MD
LG