Link açıqlığı

Saatnıñ esas haberi

Qırım jurnalistiniñ sorğusı devam etmekte. Politsiya matbuat vastalarınıñ temsilcilerine FSB binası yanında çalışmağa yasaq ete


Aqmescitte Qırımdaki Rusiye Federal havfsızlığı hızmetiniñ (FSB) idaresinde «Tsentr jurnalistskih rassledovaniy» haber neşiriniñ mühbiri Natalya Kokorinanıñ sorğusı bir qaç saat devam ete. FSB binası yanında toplaşqan kütleviy haber vastalarınıñ vekillerini politsiya hadimleri sarıp aldılar, – dep haber ete Qırım.Aqiqat mühbiri.

Qırımdaki FSB idaresiniñ yanına onğa yaqın jurnalist, şu cümleden çetel kütleviy haber vastalarınıñ temsilcileri, keldi.

Aqmescitniñ Kiyev rayonı politsiyasınıñ hadimleri olarnıñ yanına kelip, video çıqarmağa yasaq etti ve jurnalistlerge vesiqalarnı köstermege rica etip, olarnıñ kişi malümatlarını, şu cümleden qayd adresini yazıp almağa başladılar. Bazı jurnalistler vesiqalarını alâ daa alamadılar.

Mart 13-te saba «Tsentr jurnalistskih rassledovaniy» mühbiri Natalya Kokorina işdeşlerine saat 8:00 oña ana-babasınıñ dairesine kelmege rica etkenlerini haber etti. O, dairege kelgen soñ onıñnen bağ üzüldi. Tintüvden soñ onı yaqaladılar. Rusiye uquq qoruyıcıları adliyecini tintüv keçirilgen dairege almasalar da, Kokorinağa kirsettiler.

Cuma künü, mart 13-te, FSB hadimleri işğalden soñ Qırımnı terk etip, al-azırda Kiyevde yaşağan daa bir Qırım jurnalisti Anna Andriyevskayanıñ ana-babası yaşağan dairede tintüv keçirdiler. Jurnalistniñ babasına Aqmescit mahkemesiniñ qararını kösterdiler. Vesiqağa binaen, Andriyevskayağa nisbeten «Qırımda akimiyetni devirmek çağıruvları ile maqale içün» cinaiy iş açıldı.

FSB jurnalistlerniñ evlerinde tintüv keçirilmesini ve yaqalavlarnı izaatlamay.

XS
SM
MD
LG