Avropa birliginiñ Şurası Ukrainanıñ mustaqilligi ve topraq bütünligine zarar ketirmege tırışqan 150 insan ve 37 teşkilâtqa qarşı kirsetilgen cezalarnıñ müddetini yarım yılğa qadar uzattı.
Esap ve viza cezaları 2015 senesi sentâbr 15-ke qadar devam etecek, dep aytıla Avropa birligi Şurasınıñ beyanatında.
«İşbu qarar 2015 senesi yanvar 29-da Avropa birliginiñ çetel işleri Şurasında qabul etilgen siyasiy qararnı işke tüşürmekte», – dep bildirdiler Avropa birliginiñ şurasında.
Cezalarnıñ uzatılması aqqında vesiqalar mart 14-te Avropa birliginiñ Resmiy mecmuasında aydınlatılacaq.
Ukraina mustaqilligine iddia etmege tırışqan şahıslar cedvelinde işğal etilgen Qırım «akimiyetiniñ» vekilleri, Rusiye memurları, «DNR», «LNR», «kazaklarnıñ» temsilcileri bar.
Mart 6-da Avropa birliginiñ çetel işleri ve havfsızlıq siyaseti yüksek reisi Federica Mogherini dedi ki, Ukraina şarqında telükesizlik vaziyeti eyilişkenine qadar Rusiyege qarşı cezalar lâğu etilmeycek.
Keçken sene mart ayında Rusiye ukrain Qırımını işğal etti. Bundan sebep ve Moskvanıñ Ukraina şarqında yapqanları içün Ğarp oña qarşı cezalar kirsetti.
