Link açıqlığı

Saatnıñ esas haberi

OSCE FSB yaqalağan Qırım jurnalistini azat etmeğe çağıra


OSCE söz serbestliği reisi Dunja Mijatović Qırımda jurnalistlerge yapılğan basqını takbih etti. OSCE bildire ki, Mijatović «Tsentr jurnalistskih rassledovaniy» neşiriniñ jurnalisti Natalya Kokorinanıñ yaqalanmasına seslendi.

«Bu yaqalav Qırım akimiyetiniñ serbest kütleviy haber vastalarınıñ vekillerini yapqan işleri içün qorqutuv ve taqip siyasetiniñ devamı aqqında hatırlata», – dep ayttı Mijatović.

O, Qırım «akimiyetini» Kokorinanı acele sürette azat etmege çağırdı.

«Qırımda körgenimiz mustaqil kütleviy haber vastaları ve serbest seslerge yapılğan basqı insan aqlarınıñ bozulması ola», – dep ayttı Mijatović.

Mart 13-te saba «Tsentr jurnalistskih rassledovaniy» mühbiri Natalya Kokorina işdeşlerine saat 8:00 oña ana-babasınıñ dairesine kelmege rica etkenlerini haber etti. O, dairege kelgen soñ onıñnen bağ üzüldi. Tintüvden soñ onı yaqaladılar.

Rusiye uquq qoruyıcıları adliyecini tintüv keçirilgen dairege almasalar da, Kokorinağa kirsettiler.

Cuma künü, mart 13-te, FSB hadimleri işğalden soñ Qırımnı terk etip, al-azırda Kiyevde yaşağan daa bir Qırım jurnalisti Anna Andriyevskayanıñ ana-babası yaşağan dairede tintüv keçirdiler. Jurnalistniñ babasına Aqmescit mahkemesiniñ qararını kösterdiler. Vesiqağa binaen, Andriyevskayağa nisbeten «Qırımda akimiyetni devirmek çağıruvları ile maqale içün» cinaiy iş açıldı.

XS
SM
MD
LG