Link açıqlığı

Qırımdaki Rusiye Federal havfsızlığı hızmetiniñ (FSB) idaresi «Tsentr jurnalistskih rassledovaniy» neşiriniñ jurnalisti Natalya Kokorinanıñ yaqalanmasını ve jurnalist Anna Andriyevskayanıñ evinde keçirilgen tintüvni izaatlamay.

«Bizler izaatlar bermeyik», – dep ayttı Qırımdaki FSB idaresi matbuat hızmetiniñ yolbaşçısı Sergey Terehov Radio Svobodağa.

Bu malümatnı almaq içün kimge muracaat etmeli sualine hızmetniñ matbuat kâtibi böyle cevap berdi: «Siz doğru muracaat ettiñiz, matbuat hızmetiniñ reberine. Bizler izaatlar bermeyik».

Mart 13-te saba «Tsentr jurnalistskih rassledovaniy» mühbiri Natalya Kokorina işdeşlerine saat 8:00 oña ana-babasınıñ dairesine kelmege rica etkenlerini haber etti. O, dairege kelgen soñ onıñnen bağ üzüldi. Tintüvden soñ onı yaqaladılar.

Cuma künü, mart 13-te, FSB hadimleri işğalden soñ Qırımnı terk etip, al-azırda Kiyevde yaşağan daa bir Qırım jurnalisti Anna Andriyevskayanıñ ana-babası yaşağan dairede tintüv keçirdiler. Jurnalistniñ babasına Aqmescit mahkemesiniñ qararını kösterdiler. Vesiqağa binaen, Andriyevskayağa nisbeten «Qırımda akimiyetni devirmek çağıruvları ile maqale içün» cinaiy iş açıldı.

XS
SM
MD
LG