Link açıqlığı

Saatnıñ esas haberi

«Qırım birligi» Poroşenkoğa Şimaliy-Qırım kanalından suvnı bermek ricası ile muracaat ete


Başında Ukrainada qıdıruvğa ilân etilgen Seytumer Nimetullayev olğan ve Qırımda akimiyet tarafını tutqan «Qırım birligi» cemaat teşkilâtı Ukraina prezidenti Petro Poroşenkoğa Şimaliy-Qırım kanalından suv berüvini ğayrıdan tiklemek ricası ile bulundı.

Mütenasip muracaatnı teşkilât öz Facebook saifesinde aşkâr etti.

Vesiqada aytılğanı kibi, kanalnıñ qapatıluvı qırımtatarlarnıñ içtimaiy-iqtisadiy vaziyetine menfiy sürette tesir ete eken.

«Qırımtatarlarnıñ çoqusı köyde yaşap, köy hocalığı ile oğraşa. Bizim esas qazançımız ve ailelerimizni baqmaq içün esas kelirimizdir. Yıllarca bir topraqta yaşağan halqlarnı – qırımtatar, ukrain, rus, yunan, alman, ermenilerni bir-birine qarşı qoymaqnıñ ne aceti bar?», – denile muracaatta.

«Suv olmağanından topraqnıñ cifsinleşüvi başlandı. Topraq faciası içün Rabbimiz ögünde cevap berecekmiz», – qayd eteler «Qırım birligi»nde.

Teşkilât yolbaşçılığı Poroşenkodan işbu meselede yardım soray.

Qıtaiy Ukrainadan Şimaliy-Qırım kanalı boyunca suv berilmesi 2014 senesi, Rusiye Qırımnı işğal etkeninden soñ, toqtaldı.

XS
SM
MD
LG