«DAH» teatri (Kiyev) ve «Teatr.doc» (Moskva) mart 18 künü Kiyevde ukrain rejissörı Оleg Sentsovnıñ «Nomeralar» pyesasını taqdim etecekler. Sentsovnı 2014 senesi Qırımda Rusiye mahsus hızmetleri yaqalağan ediler, şimdi onı terrorizmde qabaatlap, Moskvada makeme eteler.
«Nomeralar» – Оleg Sentsovnıñ ilk dramatik tecribesidir, bunı özü Lefortovodan prodüser Natalya Yozefke yazğan mektübinde tarif etken. O, «Teatr.doc» Moskva teatrine işbu pyesanı seyircilerge köstermege teklif etti.
«DAH» Kiyev teatri rejissör Anastasiya Patlaynı Kiyevge davet etip, oña pyesanı ukrain seyircisine de taqdim etmege teklif ettiler.
Oquv çarşenbe künü, Kiyev saatine köre saat 19:00, «DAH» Zemaneviy sanaat merkezinde ötkerilecek. Toplanğan aqçanı Оleg Sentsovnıñ qorantasına berecekler.
Oleg Sentsov 2014 senesi mayıs 11-de Qırımda Rusiye uquq qoruyıcı organlar tarafından yaqalandı. Onı teraktrlar azırlamasında qabaatlaycaq olalar. Avgust 8-de Moskva mahkemesi Sentsovnı apste tutuv apellâtsiyasını red etti.
Sentsovnıñ bir çoq zenaatdaşı ve uquq qorçalayıcıları onı «siyasiy mahbüs» olaraq tanıp, onı azat etmege rica eteler. Olarnıñ fikirince, qabaatlar uydurılğan, rejissörni ise onıñ noqtaiy-nazarı içün yaqaladılar.
